በዚህ ብሎግ ውስጥ መንፈሳዊ፣ ማኅበራዊ፣ባሕላዊ፣ ክንዋኔዎች ይቀርቡበታል፡፡ የኢትዮጵያ ሊቃውንት ትምህርት እና ሃይማኖት የሚነገርበት ድረ ገጽ፡፡ መጥፎውን ሽሹ መልካሙን ሹ፡፡
በዚህ ርእስ ላይ የምንመለከተው ሰንበት ትምህርት ቤት እና ገዳማትን በተመለከተ ስላላቸው ዝምድና
ይሆናል፡፡ ለጽሑፌም ማስረጃ የማደርገው የቤተክርስቲያናችንን መተዳደሪያ ደንብ ቃለ ዓዋዲ ይሆናል፡፡ የምጠቀመው ቃለ ዓዋዲም አዲሱን
ባለፈው ዓመት በ፳፻፱ ዓ.ም ለዐራተኛ ጊዜ የተሻሻለውን ይሆናል፡፡
ጾመ ነነዌ እና የእመቤታችን የቅድስተ ቅዱሳን የድንግል ማርያም በዓለ እረፍት አንድ ላይ ተገጣጥመዋል፡፡
ነነዌ ከጥፋት የዳኑበት ዕለት የአዳም ተስፋ ከሆነችው ከድንግል ማርያም እረፍት ጋር አንድ ላይ ተገናኝተዋል፡፡ ጾመ ነነዌ ከዐቢይ
ጾም ፪ ሳምንታት ቀደም ብሎ ለሦስት ቀናት /ከሰኞ እስከ ረቡዕ/ ድረስ የሚጾም ነው፡፡ የነነዌ ሰዎች ከመጣባቸው የእግዚአብሔር
ቁጣ የዳኑበት በመሆኑ እኛም ከሚመጣብን ፈተና ሁሉ እንድን ዘንድ፣ ከመከራ ሥጋና ከመከራ ነፍስ እንድንና እናመልጥ ዘንድ አምነን
እንጾመዋለን፡፡ ሙሉ ታሪኩን /ትንቢተ ዮናስን በሙሉ ተመልከት/ ይህ ጾም የዐዋጅ ጾም መሆኑን በፍትሐ ነገሥት አንቀጽ ፲፭ ቁጥር
፭፻፷፯ ላይ “…የነነዌ ሰዎች ጾም ፫ ቀን…” ብሎ ይናገራል፡፡ ይህ ጾምም እንደ ዐቢይ ጾም በመጠንቀቅ እንዲጾም ያዝዘናል፡፡
ብጹእ አቡነ ዘካርያስን የምሥራቅ ጎጃም ሀገረ ስብከት ወቅታዊ ሁኔታ ከማንም በላይ አሳስቧቸወል፡፡
ብጹእነታቸው አንድ ሊቀ ጳጳስ በሌላው ሀገረ ስብከት ጣልቃ አይገባም የሚለውን ህግ ሳያውቁ እንዳልሆነ ለቅዱስ ፓትርያርኩ በጻፉት
ደብዳቤ ላይ ገልጠዋል፡፡ ብጹእነታቸው አቡነ ዘካርያስ የምሥራቅ ጎጃም ጉዳይ እጅጉን ያሳሰባቸው በጎጃም ተወልደው ያደጉ በዚያው
የተማሩ ያስተማሩ በሊቀ ጳጳስነትም ደረጃ በቅዱስ ሲኖዶስ ተመድበው ብዙ ዲያቆናትን እና ካህናትን ክህነት የሰጡ መሆናቸው ብቻ ሳይሆን
ጉዳዩ የሃይማኖት ጉዳይ ስለሆነ ሃይማኖትን ደግሞ አድማስ እንደማይገድበው በመግለጽ ጭምር ነው ለቅዱስ ፓትርያርኩ ደብዳቤ የጻፉ፡፡
